Mirza Ghalib


Mirza Ghalib Ghazal

 

Ziikr iss Pariwash ka or phiir Baayaan Apnaa

ziikr iss Pariwash ka or Phiir Baayaan Apnaa

Baan Gaaya Raqeeb Aakhir Tha Jo Raz-Dan Apnaa


Maih Wo Q Bohat Peety Bazam-e-Gahair mai Ya Rab

Ajj He Hoa Inko Imteehan Apnaa


Manzar Ek Bulandi Pr or Hum Bana Skty

Arsh Se Idhr Hota Kash K Makan Apnaa


Dy Wo Jis Qadar Zillat Hum Hasi Mai Talaingy

Bary Ashnaa Niklaa Inka Pasbaan Apnaa


Daard-Diil Likhon, Kb Tk Jaon inko Dikhlaa Don

Unglian Figaar Apnii Khaama Khonchkan Apnaa


Ghisty Ghisty Miit Jataa Apny Aabs Baadla

Naang Sajdaa Se Mery, Saang-Asstan Apnaa


Taa Kry Na Ghamazi krlia h Dushmaan Ko

Doost Kii Shikaayat Pr Huum ny Huum-Zaaban Apnaa


Huum Kahaan K Daana Thy, Kis Hunaar mai Yaakta thy

Bee-Sabaab Hoa Dushmaan Asmaan Apnaa



ذکر اس پری وش کا اور پھر بیاں اپنا


ذکر اس پری وش کا اور پھر بیاں اپنا

بن گیا رقیب آخر تھا جو رازداں اپنا


مے وہ کیوں بہت پیتے بزم غیر میں یا رب

آج ہی ہوا منظور ان کو امتحاں اپنا


منظر اک بلندی پر اور ہم بنا سکتے

عرش سے ادھر ہوتا کاش کے مکاں اپنا


دے وہ جس قدر ذلت ہم ہنسی میں ٹالیں گے

بارے آشنا نکلا ان کا پاسباں اپنا


درد دل لکھوں کب تک جاؤں ان کو دکھلا دوں

انگلیاں فگار اپنی خامہ خونچکاں اپنا


گھستے گھستے مٹ جاتا آپ نے عبث بدلا

ننگ سجدہ سے میرے سنگ آستاں اپنا


تا کرے نہ غمازی کر لیا ہے دشمن کو

دوست کی شکایت میں ہم نے ہم زباں اپنا


ہم کہاں کے دانا تھے کس ہنر میں یکتا تھے

بے سبب ہوا غالبؔ دشمن آسماں اپنا



   Poet : Mirza Ghalib